Rikujtojmë se, sipas kërkesës së drejtorit të Administratës, Edin Shehu, javën e kaluar, kryetari i Prizrenit, Shaqir Totaj, ka marrë vendim që sportelet për shërbime të qytetarëve të jenë të hapura edhe gjatë të shtunave për katër javë radhazi nga ora 09:00 – 13:00.
Kjo për shkak të fluksit të madh të bashkatdhetarëve që jetojnë dhe veprojnë në mërgim, dhe për t’i ikur kështu vonesave që mund të hasin gjatë kërkesave për t’u pajisur me dokumentacione të nevojshme.
Sportelet për shërbime të qytetarëve do të jenë të hapura edhe tri të shtunave në vazhdim nga ora 09:00 – 13:00. /TVPrizreni/
