Zyra e Rregullatorit të Energjisë Elektrike (ZRrE) ka ulur çmimin e ngrohjes nga ndërmarrjet publike për konsumatorët në Prishtinë dhe Gjakovë.
Pas mbledhjes së kësaj zyre, kryetari i bordit, Ymer Fejzullahu, ka thënë se kjo u vendos për shkak të kursimit që është bërë.
Ai ka thënë se zbritja prej 4-5 për qind do të vlejë për konsumatorët me matje të shpenzimeve. Sipas tij, është pikërisht kjo kategori që ka kursyer energjinë dhe si rezultat ka ndryshim të tarifave. Fejzullahu ka thënë se zbritja do të reflektohet gjithmonë kur ka kursime.
