Një incident zjarri raportohet se ka ndodhur në rrugën “Gjergj Fishta” në Suharekë, mbrëmë, më 27.06.2025.

Sipas Policisë, në një lokal, në kuadër të një kompleksi banesor janë djegur disa  kabllo elektrike.

Ndërsa, zjarrfikësit thuhet se kanë arritur ta shuajnë zjarrin.

Policia thotë se ende nuk janë të qarta rrethanat e këtij rasti.

“Lidhur me rastin, përveç prokurorit është informuar KEDS-i dhe eksperti i zjarreve. Rasti duke u hetuar”- thekson Policia.