Ministrja në detyrë e Kulturës dhe Turizmit, Saranda Bogujevci, së bashku me kryeministrin në detyrë, Albin Kurti dhe ministren e Ekonomisë në detyrë, Artane Rizvanolli, të mërkurën vizituan Kalanë e Prizrenit.
Në një postim në Facebook pas vizitës, Bogujevci theksoi se Kalaja e Prizrenit është një prej monumenteve më të rëndësishme të trashëgimisë sonë kulturore dhe se ruajtja e saj mbetet përgjegjësi e përhershme.
Ajo njoftoi se bashkë me Ministrinë e Ekonomisë u dakorduan për financimin e projektit për zhvendosjen e rezervuarit të ujit jashtë mureve të Kalasë.
