Ministri i Shëndetësisë, Armend Zemaj, e ka takuar sot ambasadoren e Mbretërisë së Holandës, Carin Lobbezoo, me të cilën kanë diskutuar për situatën nëpër të cilën po kalon Kosova gjatë pandemisë.
Sipas tij, statistikat e të infektuarve me virusin COVID-19 janë tejet shqetësuese për Kosovën dhe kontinentin.
“Me ambasadoren e Mbretërisë së Holandës, Carin Lobbezoo diskutuam për situatën nëpër të cilën po kalon Kosova gjatë Pandemisë, kapacitetet tona si dhe përkushtimin e zbatimit të rekomandimeve për ta luftuar virusin vdekjeprurës”.
“Statistikat e të infektuarve me virusin Covid 19, janë tejet shqetësuese për vendin tonë dhe kontinentin, prandaj me Ambasadoren Lobbezoo trajtuam çështjen e menaxhimit të situatës, masat anti Covid si dhe këmbimi i përvojave të menaxhimit të situatës dhe përkrahjes nga Mbretëria e Holandës për Kosovën”.
“E falënderova Ambasadoren për partneritetin e ofruar, duke ritheksuar se Kosova dhe populli i saj janë të bekuar me gatishmërinë që kanë popujt dhe shtetet mike në situatat në të cilat gjendemi”.
