Kryetari i partisë Nisma Socialdemokrate në Prizren, Zafir Berisha, ka ironizuar Dritan Abazoviqin, pasi ai dhe kabineti i tij, me 50 deputetë që votuan pro mocionit të mosbesimit, janë rrëzuar nga pushteti në Mal të Zi, 115 ditë pas marrjes së detyrës. Berisha e krahasoi atë me kryeministrin e Kosovës, Albin Kurti, duke thënë se të dy ata erdhën në pushtet me demagogji e mashtrime.
Postimi i plotë:
“Na ishte njëherë njëfarë Dritan Abazoviqi, kryeministër i Malit Zi.
Erdhi në pushtet me demagogji e mashtrime, sikurse Albini në Kosovë, dhe realizoi detyrat e shtëpisë të marrura nga Serbia për bërjen e Malit Zi shtet jofunksional.
E vërteta vonon, por nuk harron me ardhën, njejtë do të vijë edhe në Kosovë!”, ka shkruar Berisha në Facebook. /TVPrizreni/
