Paneli Zgjedhor për Ankesa dhe Parashtresa ka miratuar pjesërisht ankesën e Nismës Socialdemokrate për moscertifikim nga Komisioni Qendror Zgjedhor.
Sipas vendimit, tek kjo parti është certifikuar lista, por pa emrat e 12 kandidatëve për deputetë.
E ndaj këtij vendimi, Nisma Socialdemokrate do të ankohet në Gjykatën Supreme.
Kështu ka thënë për GazetaBlic anëtari i kryesisë së kësaj partie, Zafir Berisha.
“Presim edhe mendimin e Gjykatës Supreme ku do të ankohemi për vendimin e PZAP-së, varësisht nga vendimi i Gjykatës Supreme edhe do të veprojmë, duke respektuar organet dhe vendimet e tyre. Përfaqësuesit e Nismës kanë bërë shumë për shtet të lirë dhe ligjor”, është shprehur Berisha.
