Një 25-vjeçar ka mbetur i plagosur nga të shtënat me armë zjarri gjatë mbrëmjes të së hënës në Vushtrri, Policia arrestoi të dyshuarin, rrezikohen qytetarë të pafajshëm.
Në ngushticat e kësaj rruge, një person qëlloi katër herë me armë zjarri. Cak dyshohet që kishte një 25-vjeçar, të cilin arriti ta plagoste në të dy këmbët.
Por, një nga predhat e plumbit ‘fluturoi’ rrugën kryesore, kaloi dy troje, për t’u ndalur në pengesën e parë që kishte.
Kjo pengesë rastisi të ishte një shtëpi e një lagjeje në Vushtrri, që u bë cak pa pikë faji.
Gjurmët e plumbit janë akoma të freskëta, ndërsa tmerri që përjetuan familjar ishte goxha i madh.
Sipas tyre, djali i shtëpisë ishte duke qëndruar në këmbë pak sekonda para goditjes së plumbit, por që fatmirësisht në momentin e depërtimit të plumbit brenda, ai ishte ulur.
E të shqetësuar nga ky rast që ka ndodhur në lagjen e tyre po shprehen edhe banorët.
Këtij rasti me të marr informacionin i janë përgjigjur pjestarët e Policisë së Kosovës, ku kanë arritur ta arrestojnë edhe të dyshuarin.
25-vjeçari i plagosur fillimisht është trajtuar në QMF-në e qytetit, ku pas një injeksioni kundër dhimbjes dhe fashimit është dërguar për në QKUK për trajtim të mëtutjeshëm.