Ministri i Brendshëm i Serbisë Aleksandar Vulin ka thënë të shtunën se edhe pse policia serbe s’është e pranishme në Kosovë, ajo kujdeset për sigurinë e serbëve që jetojnë aty.
Këto deklarata ai i bëri në Kurshumlia ku edhe vizitoi Administratën Koordinuese për Kosovën, institucion ky që është në kuadër të Ministrisë së Brendshme të Serbisë, shkruan Tanjug.
Sipas tij, kjo administratë po bën “një punë shumë të rëndësishme dhe të përgjegjshme, përkundër faktit se në vitin 1999, Rezoluta 1244 largoi praninë aktive të policisë sonë nga Kosova”.
