Presidenti i Serbisë, Aleksandar Vuçiq, ka pritur në takim senatorët amerikanë Chris Murphy dhe Gary Peters të enjten. Siç ka bërë të ditur Presidenca e Serbisë, Vuçiqi në takim ka folur për Asociacionin.
“Një pjesë e bisedimeve iu përkushtua dialogut mes Beogradit dhe Prishtinës, dhe presidenti Vuçiq ceku se tash prioritet është formimi i AKS-së. Presidenti veçanërisht ka vënë në theks se Beogradi ka treguar seriozitet dhe përgjegjësi nga fillimi në procesin e dialogut, përkundër provokimeve të vazhdueshme dhe të njëanshme nga Prishtina, që pengon gjetjen e një zgjedhje të qëndrueshme”, është thënë nga Presidenca e Serbisë.
