Presidenti serb, Aleksandër Vuçiq, është takuar këtë të hënë me ambasadorin rus, Aleksandër Bocan-Harchenko, me të cilin ka biseduar për bashkëpunimin dypalësh, situatën gjeopolitike dhe çështjet rajonale.
Vuçiq dhe Bocan-Harchenko diskutuan edhe për çështjen e Kosovës, ku në fokus ishte respektimi i të drejtave ndërkombëtare, shkruan Euronews.al
Gjatë fjalës së tij, Vuçiq e falënderoi Rusinë për mbështetjen që i jep integritetit territorial dhe sovranitetit të Serbisë, duke shprehur shpresën se paqja e nevojshme në tokën evropiane do të vendoset në kohën më të shkurtër të mundshme.
