Presidenti serb, Aleksandar Vuçiq, iu drejtua gazetarëve pas takimit me Josep Borell dhe Miroslav Lajçak.
“Ne jemi duke u përballur me një situatë shumë të komplikuar në Kosovë, sidomos që nga 21 nëntori, kur shqiptarët mendojnë se po i mbledhin gjobat në mënyrë të paligjshme. Kosova ishte tema kryesore. Lajçaku qëndroi pak më gjatë se Borell, për të parë nëse ka mënyra për të arritur një zgjidhje. Nuk e shoh për momentin, pasi Kosova nuk pranon të sillet racionalisht. Sigurisht që kjo shqetëson dhe është diçka që nuk mund të të lë indiferent dhe nuk mund të merresh me gjëra të tjera të mira”, tha Vuçiq.
Ai tha se të hënën do të ketë një takim të ministrave të jashtëm të BE-së.
“Do të shohim, jam shumë skeptik dhe nuk besoj se një zot e di se çfarë do të shfaqet atje. Britania e Madhe nuk është pjesë e BE-së, por Gjermania është. Nëse duan të ndryshojnë kushtet, mund të përdorin gjithmonë viza, mbështetje për energjinë, por është e qartë që nuk dëshirojnë ta bëjnë këtë”, tha Vuçiq dhe i cili shtoi: “Dhe nuk u intereson shumë që mendojnë se mund të shkaktojnë skandale me lëvizje të njëanshme. Kosova është fëmija i tyre. Është e qartë se gjermanët janë ata që i mbështesin për të gjitha aktet ilegale në BE dhe jashtë BE-së është Britania e Madhe”./FrontOnline/
