Për vetëm një muaj, afër 10 persona u vranë nga anëtarët e familjes së tyre.
Një e shtënë me armë, doli të jetë fatale të mërkurën mbrëma në Prishtinë. Këtu, S.K, pas një mosmarrëveshje, dyshohet se qëlloi për vdekje, djalin e tij. E viktima, ishte biznismeni i njohur, Albert Krasniqi.
Por, ky nuk është rasti i vetem, i vrasjeve në familje.
Policia e Kosovës, pak ditë më parë, mori një telefonatë për një vrasje të dyshimtë në Novobërdë. E nën prangat e policisë, përfundoi vet personi që i telefoni, nën dyshime se vrau gjyshin e tij. Ky i fundit, ishte qëlluar me thikë disa herë, derisa ishte në gjumë.
E javë me parë, vrasje të kësaj natyre, kishte edhe në Prizren. Këtu, babai vrau vajzen, e më pas edhe veten. Dorasi ishte zyrtari i Policisë së Kosovës, S.M rreth moshes 50 vjecare, ndërsa viktima, 21 vjecare.
E pak ditë më vonë, Prizreni u trondit edhe nga një vrasje tjetër. M.H, 30 vjecar, dyshohet se privoi nga jeta babain 50-vjeçar. 30 vjecari, sulmoi me thikë babain, ndërsa e gjithë ngjarja kishte ndodhur në rrugën “Nazim Kokollari”.
E rast akoma më i rëndë, nodhi në fshatin Pozheran të Komunës së Vitisë.
Këtu, një person, fillimisht vrau gruan e tij. E më pas, qëlloi për vdekje, edhe dy djemtë. Krejt në fund, dorasi qëlloi edhe veten, duke bërë kështu që komplet një familje të shuhet.