Fluturimet janë anuluar dhe vonuar pas një defekti teknik në sistemin e kontrollit të trafikut ajror të Zvicrës.
Kjo bëri që hapësira ajrore e Zvicrës të mbyllet mëngjesin e kësaj të mërkure, duke ndaluar ngritjet dhe uljet në aeroportet e Cyrihut dhe Gjenevës për orë të tëra, shkruan Euronews.
Agjencia pan-evropiane e trafikut ajror “Eurocontrol” paralajmëroi linjat ajrore që të presin “vonesa të gjata”.
Aeroporti i Gjenevës tha se trafiku ajror kishte rifilluar gradualisht që nga ora 8:30 në mëngjes. Por, disa fluturime ishin anuluar, duke u thënë udhëtarëve që të kontrollonin me linjat e tyre ajrore për të parë nëse fluturimi i tyre është ende i hapur.
Aeroporti i Cyrihut tha se fluturimet po funksionojnë përsëri.
“Operacionet e fluturimit janë planifikuar me kapacitet 50% deri në orën 9:30 dhe me kapacitet 75% nga ora 9:30,” tha aeroporti në një deklaratë.
Aeroporti i Cyrihut kishte planifikuar 330 fluturime dhe Gjeneva 211 të mërkurën, sipas të dhënave të FlightRadar24.
Më herët, agjencia e kontrollit të trafikut ajror “Skyguide” tha se kishte mbyllur hapësirën ajrore zvicerane për të garantuar sigurinë pas një mosfunksionimi teknik.
Klikoni KËTU për tu bërë pjesë e kanalit të TV Prizreni në Youtube.
