Vlora është qarku i parë “COVID free” në Shqipëri, pasi prej disa ditësh në këtë qark nuk ka asnjë të infektuar aktiv me koronavirus.
Ndërsa shifrat e të infektuarve të rinj vijojnë të jenë të ulëta, anëtari i Komitetit të Ekspertëve për COVID-19, Skënder Brataj, thotë se qarqe të tjera po shkojnë drejt zeros.
“Është e vërtetë që Vlora është me zero të infektuar, pothuaj shumica e qarqeve janë drejt shkuarjes zero. Aktualisht Shkodra ka 43, Fieri një, Dibra tre, Kukësi dy. Janë pothuajse gjashtë qarqe që janë gjashtë raste e poshtë dhe këto ditë besoj do të zerohen”.
