Kryeinspektori i Ministrisë së Mjedisit, Planifikimit Hapësinor dhe Infrastrukturës (MMPHI), Bedri Halimi, është shpallur i pafajshëm për të gjitha pikat e aktakuzës në rastin gjyqësor “Brezovica”.
Vendimi është shpallur të martën, më 22 shtator, nga Gjykata Themelore në Pejë, ndërsa lajmin e ka bërë të ditur vetë Halimi, si dhe avokati i tij, Haxhi Millaku.
Halimi akuzohej nga Prokuroria Themelore në Ferizaj për keqpërdorim të detyrës zyrtare, lidhur me pretendimet për mosndërmarrjen e veprimeve ligjore ndaj ndërtimeve në zonën e Brezovicës, në Parkun Kombëtar “Sharri”.
