Presidentja e Kosovës, Vjosa Osmani, ka folur në konferencë të përbashkët për media me presidentin e Turqisë, Taip Erdogan.
Në fjalën e saj, Osmani ka theksuar edhe një herë se bashkëpunimi mes Kosovës dhe Turqisë është i palëkundur.
Ajo ka thënë se Kosova dëshiron të ruajë marrëdhëniet politike e ekonomike me Turqinë, e për më shumë t’i thellojë këto raporte.
Ndër të tjerash, presidentja Osmani ka kërkuar edhe anëtarësimin e Kosovës në NATO.
“Duke parë atë që po ngjanë në Ukrainë, është e natyrshme që Kosova të anëtarësohet në NATO, në këtë organizatë që Turqia ka vend të rëndësishëm. Do të punojmë që të kemi avancim të mëtejshëm të bashkëpunimit mes shteteve tona”, ka thënë Osmani, transmeton lajmi.net.
Osmani ka thënë se garantimi i paqes dhe sigurisë në rajonin e Ballkanit Perëndimor, do të arrihet atëherë kur të gjitha vendet e rajonit të anëtarësohen në BE dhe NATO.