Ministri i Shëndetësisë, Arben Vitia ka thënë se procesi i vaksinimit më nuk do të ndalet, pas arritjes së kontigjenteve të tjera me doza gjatë këtij muaji.
Kështu deklaroi ai në seancën e Kuvendit të Kosovës, ku mes tjerash kritikoi Qeverinë e drejtuar nga Avdullah Hoti se nuk ka nisur negociatat për blerjen e vaksinave më herët, raporton Demokracia.com.
“Për 10 muaj ju (z.Besnik Tahiri) keni qenë zëvendëskryeministër përse nuk i bletë vaksinat, ka shumë vende që i kanë blerë vaksinat më herët se sa ne, kanë filluar procesin e vaksinimit më herët. Ju jeni i njoftuar shumë mirë me procesin e negociatave, i dini edhe vonesat që janë shkaktuar në këto negociata dhe unë po ju them kam thënë shpejt, por në muajin maj”, ka thënë ai.
Në fund, Vitia ka garantuar se sapo të fillojë procesi i vaksinimit në muajin maj, më nuk do të ndalet, raporton Demokracia.com.
“Më 4 maj ka ardhë një kontigjent, do të vazhdojmë me kontigjente tjera. Në maj fillon procesi i vaksinimit dhe më nuk do të ndalet, për këtë ju garantoj”, ka thënë ai.
Ndërkaq, Kosova aktualisht ka vetëm mbi katër mijë doza të Pfizer, të cilat kanë filluar t’u jipen një pjese të personelit shëndetësor gjatë ditës së djeshme.
Nga kjo kompani, në javët në vazhdim pritet të arrijnë edhe rreth 90 mijë doza të tjera.
