Dy shtëpi janë bërë cak i hajdutëve në fshatin Gjonaj të Prizrenit, ku, sipas pronarëve, janë vjedhur stoli ari, para të gatshme dhe sende të tjera me vlerë.
Njëri nga pronarët, një bashkatdhetar që jeton dhe vepron në Bosnje dhe Hercegovinë, ka njoftuar për rastin përmes një reagimi publik. Ai bën të ditur se hajdutët kanë depërtuar në shtëpinë e vëllait të tij, nga ku kanë marrë stoli ari dhe mbi 10 mijë euro para të gatshme.
