Anëtari i Kuvendit të Prizrenit nga radhët e PDK-së, Alban Bislimaj, ka njoftuar përmes një postimi në Facebook se janë vendosur sinjalizuesit rrugor në fshatrat Vlashnje dhe Kobaj. Ai theksoi se sinjalizimi i duhur është një tregues i rëndësishëm i organizimit dhe rregullit në çdo vendbanim, raporton TV Prizreni.
“Për ta parë se sa në rregull i ka punët një vendbanim, një nga treguesit kryesorë është edhe sinjalizimi rrugor. Këtu po shihet qartë dhe puna po vazhdon”, ka shkruar Bislimaj.
Për më tepër, ai njoftoi se së shpejti do të fillohet me vendosjen e sinjalizimeve horizontale në këto fshatra.Në fund, Bislimaj bëri apel për kujdesin e banorëve të Vlashnjes dhe Kobajit, duke i ftuar ata që të ruajnë dhe të mos dëmtojnë shenjat e komunikacionit.
