Familja e Liridona Ademajt ka zhviluar një takim me Prokurorinë Themelore të Prishtinës, për t’u informuar rreth hetimeve për vrasjen e saj.
Vëllau, Leonardi, ka shkruar se në këtë takim janë informuar rreth rastit të vrasjes së Liridonës, brenda kufijve që i lejon ligji.
Ai tutje ka thënë se ky takim i ka ofruar siguri edhe më të madhe që hetimet janë duke shkuar mirë.
“Ne i shprehëm falenderimet hetuesëve, prokurores së rastit dhe të gjithë prokurorëve që janë duke ndihmuar në zbardhjen e plotë të rastit. Ne besojmë në të gjitha institucionet e drejtësisë dhe mbesim me shpresë që rasti do të zgjidhet në mënyrë profesionale”, ka shkruar Ademaj.
