Një ngjarje tragjike ka ndodhur mbrëmë në Isniq të Deçanit, ku humbi jetën i riu Elvis Osdautaj, pasi u rrokullis me kamion, derisa po zbriste nga mali për në qendër të qytetit, raporton Gazets Sinjali.

Plagët që i riu i pësoi ishin të rënda dhe fatkeqësisht nuk mbijetoi. Sinjali mëson se në vendin e ngjarjes pas raportimit të rastit ka dalë Policia, teksa familja e ka dërguar të ndjerin në spital, ku edhe u konstatua vdekja e tij.

Pasi janë marrë informacionet e para, për rastin është vënë në dijeni edhe Prokurori i Shtetit, me urdhër të së cilit trupi i pajetë është dërguar në IML për obduksion.

Ky rast i rëndë ka tronditur familjen, miqtë e tij e gjithë vendin.