Një 24 vjeçar dyshohet se i ka marrur jetën vetës mbrëmë në Skorrobisht të Prizrenit.
Viktima me incialet A.T, ka blerë një pistoletë nga dy persona tjerë dhe posa ka marrur armën ka shkrepur në drejtim të tokë dhe pastaj ka qëlluar vetën në kokë, shkruan Insajderi.
Sipas raportit 24-orësh të Policisë së Kosovës lidhur me rastin janë arrestuar tre të dyshuar meshkuj kosovarë dhe me urdhër të prokurorit të njëjtit janë dërguar në mbajte.
“Fsh. Skorrobisht, Prizren 11.05.2025 – 17:00-17:30. Në stacion policor janë paraqitur dy persona meshkuj kosovarë dhe të njëjtit kanë deklaruar se kanë shkuar në një zonë malore me viktimën mashkull kosovar për ta provuar një armë të cilën viktima do ta blinte nga njëri prej tyre. Dyshohet se viktima pasi e ka marrë armën ka shtënë tre herë në drejtim të tokës dhe pastaj ka qëlluar veten në kokë. Njësitë relevante policore, prokurori dhe ekipi i balistikës nga Agjencia e Kosovës për Forenzikë, kanë dalë në vendin e ngjarjes. Në vendin e ngjarjes është sekuestruar një pistoletë pa fishekë. Me vendim të prokurorit trupi i pajetë i viktimës është dërguar në IML për obduksion. Lidhur me rastin janë arrestuar tre të dyshuar meshkuj kosovarë dhe të njëjtit me urdhër të prokurorit janë dërguar në mbajtje. Rasti në hetime”.