Komuna e Prizrenit ka njoftuar se është duke vazhduar përmirësimi dhe riparimi i ndriçimit publik në gjithë territorin e komunës së Prizrenit
Nga ky njoftim bëhet e ditur se aktualisht po punohet në rrugën “Mbreti Pleurat” në lagjen “Bajram Curri”.
Njoftimi i plotë:
Po vazhdon aksioni i riparimit dhe përmirësimit të ndriçimit publik në gjithë territorin e Komunës së Prizrenit, që ka për qëllim ta përmirësojë sigurinë dhe estetikën në rrugët tona.
Aktualisht po punohet në rrugën “Mbreti Pleurat” në Lagjen “Bajram Curri”, pas kërkesës së banorëve të zonës.
Projekti i ndriçimit publik është një hap i rëndësishëm drejt modernizimit të qytetit të Prizrenit dhe jo vetëm.
