Për të 13-në ditë me radhë barrikadat vazhdojnë të mbajnë të bllokuara rrugët që qojnë drejt pikave kufitare në Jarinjë e Bërnjak, në veri të vendit, atje për sot është paralajmëruar të mbahet protestë.
Dy rrugët për në veriun e Republikës mbesin edhe më tutje të pakalueshme për shkak të kamionëve të ndalur tërthor rrugës nga grupet kriminale serbe.
Barrikadat po ua pamundësojnë lirinë e lëvizjes vetë serbëve që jetojnë në atë pjesë, të cilët e pohojnë këtë vetëm prapa kamerave.
9 barrikada janë vendosur gjithsej, sulmet kundër ekipeve të medieve po vazhdojnë, sikurse po vazhdojnë edhe shpërthimet e kohëpaskohshme.
