Forcat Mbrojtëse të Izraelit thonë se banorët e Gazës duhet të shkojnë në jug ndërmjet orës 10:00 dhe 16:00 sipas kohës lokale.
Civilëve që jetojnë në Gazën veriore u është thënë nga ushtria izraelite që të përdorin dy rrugë për të shkuar në jug sot, sipas një zëdhënësi, shkruan BBC.
Në një deklaratë të postuar në arabisht në X, ish-Twitter, zëdhënësi i Forcave të Mbrojtjes të Izraelit (IDF) Avichay Adraee tha se dy rrugë mund të përdoren midis orëve 10:00 dhe 16:00 sipas kohës lokale (07:00 deri në 13:00 GMT) “pa asnjë dëm”.
Ata që jetojnë në qytetin e Gazës janë këshilluar të lëvizin në jug nga Beit Hanoun në Khan Yunis, përpara një ofensive të mundshme tokësore nga ushtria izraelite.
Njerëzit që jetojnë pranë plazhit dhe në perëndim të Olive do të lejohen gjithashtu të lëvizin në rrugët Daldul dhe Al-Sana drejt Salah Al-Din dhe Al-Bahr, shton Adraee.