Pas shumë përpjekjeve nga ekipet e kërkim-shpëtimit të Forcës së Sigurisë së Kosovës është nxjerrë nga rrënojat edhe nënëa e fëmijës dyvjeçar që u shpëtua pak orë më parë në zonën Hatay të Turqisë.
Lajmin e ka konfirmuar Ministri i Mbrojtjes së Kosovës, Armend Mehaj përmes një shkrimi në facebook.
“Pas nxjerrjes së fëmijës, vajzës dyvjeçare, heronjtë dhe heroinat tona me përpjekjeve të pandërprera dhe angazhim vetëmohues arritën të nxjerrin nga rrënojat edhe nënën e saj.
Ju lumtë krenaria jonë!”, ka shkruajtur Meha.
FSK përmes një njoftimi shtoi se operacionet e kërkim-shpëtimit do vazhdojnë deri sa të nxirret edhe qytetari i fundit nga rrënojat.
“Operacionet e Kërkim-Shpëtimit do të vazhdojnë deri sa të nxirret edhe qytetari i fundit nga rrënojat, motivi i ushtarakëve nga Kosova është i lartë, profesionalizmi dhe disiplina po japin rezultate”- thuhet ne njoftim.
Sipas të dhënave të fundit, ka arritur në mbi 11 mijë numri i të vdekurve nga tërmeti i të hënës në Turqi dhe Siri.
