Klubi prizrenas FC Liria ka zyrtarizuar transferimin e sulmuesit francez Jacques Armand Thierry Bayo Mben, i cili i është bashkuar skuadrës prizrenase.
Bayo, 29-vjeçar i lindur në Paris, luan në pozitën e qendërsulmuesit dhe është 1.86 metra i gjatë. Ai ka përvojë në futbollin spanjoll, islandez dhe maltez.
Gjatë karrierës së tij, sulmuesi francez ka qenë pjesë e disa klubeve në Spanjë, përfshirë Hércules CF B, CP Villarrobledo, UD Socuéllamos, UP Langreo, AD Llerenense, UD Llanera dhe CF Villanovense.
Së fundmi, Bayo ishte pjesë e klubit maltez Birkirkara FC, që garon në Premier League të Maltës.
Me transferimin te FC Liria, sulmuesi francez do ta vazhdojë karrierën e tij në futbollin kosovar, duke nisur një kapitull të ri me skuadrën bardhezi nga Prizreni.
Klikoni KËTU për tu bërë pjesë e kanalit të TV Prizreni në Youtube.
