Presidentja e Komisionit Europian, Ursula von der Leyen, do të jetë për vizitë në Kosovë të mërkurën, si pjesë e vizitës rajonale në vendet e Ballkanit Perëndimor.
Gjatë vizitës, presidentja e KE-së do të takohet me presidenten e Kosovës, Vjosa Osmani dhe kryeministrin, Albin Kurti.
Presidentja von der Leyen do ta vizitojë edhe kopshtin ‘Cicërimat’ në Prishtinë, i cili është ndërtuar me fondet e BE-së.
Investimi i përgjithshëm i BE-së në sektorin e arsimit në Kosovë që nga viti 2007 arrin në rreth 85 milionë euro.
Agjenda e konfirmuar nga BE-ja:
E Mërkurë, 29 Shtator 2021
09.00 Takimi me Presidenten Vjosa Osmani
Vendmbajtja: Krahu i Presidentes, Kuvendi i Kosovës (mundësi fotografimi para takimit)
10.00 Takimi me Kryeministrin e Kosovës, Albin Kurti
Vendmbajtja: Zyra e Kryeministrit (mundësi fotografimi jashtë ndërtesës)
11.00 Vizita në Kopshtin ‘Cicërimat’, konferencë e përbashkët për shtyp me Kryeministrin Kurti
Vendmbajtja: Kopshti i fëmijëve ‘Cicërimat’, Kalabri
Klikoni KËTU për tu bërë pjesë e kanalit të TV Prizreni në Youtube.
