Universiteti “Ukshin Hoti” në Prizren ka përkujtuar 27-vjetorin e zhdukjes së intelektualit dhe veprimtarit shqiptar Ukshin Hoti, figurës emrin e së cilës e mban ky institucion i arsimit të lartë.
Në mesazhin përkujtimor, universiteti vlerësoi lart kontributin e Ukshin Hotit në mendimin politik shqiptar, dijen dhe përpjekjet për liri, duke e cilësuar atë si simbol të guximit intelektual dhe të mendimit të lirë.
Sipas universitetit, Ukshin Hoti ishte një ndër figurat që nuk heshti përballë padrejtësive dhe që besoi se dija dhe e vërteta janë themel i një shoqërie të zhvilluar dhe demokratike.
