Autoritetet ukrainase thanë se po i përcjellin nga afër zhvillimet mbi urën e Krimesë, ku mbetën të vdekur të paktën dy persona.
Siç raportoi BBC-ja të hënën, një zëdhënës i Shërbimit të Sigurisë të Ukrainës, tha se janë duke vëzhguar situatën, ndërsa shtoi se po presin dështimin e presidentit rus, Vladimir Putin.
“Ne po shikojmë me interes se një nga simbolet e regjimit të Putinit edhe një herë dështoi të përballojë ngarkesën ushtarak”, tha Artem Dekhtiarenko.
Për këtë ndodhi, shkurtimisht ka reaguar edhe kabineti i presidentit ukrainas, Volodymyr Zelensky.
“Çdo strukturë ilegale e përdorur për të dorëzuar instrumentet ruse të vrasjeve masive është domosdoshmërisht jetëshkurtër, pavarësisht nga arsyet e shkatërrimit”, thuhet në shkrimin e Mykhailo Podolyakut, që është pjesë e kabinetit të Zelenskyt.
Klikoni KËTU për tu bërë pjesë e kanalit të TV Prizreni në Youtube.
