Kryetari i Komunës së Prizrenit, Shaqir Totaj, ka pritur në takim ushtruesin e detyrës së drejtorit të Drejtorisë për Administrimin e Parkut Kombëtar “Sharri”, Nail Kryeziun, me bashkëpunëtorë.
Sipas Totajt, gjatë takimit është diskutuar për thellimin e bashkëpunimit ndërinstitucional, mbrojtjen dhe promovimin e vlerave natyrore të Parkut Kombëtar “Sharri”, si dhe koordinimin e aktiviteteve dhe projekteve që kontribuojnë në zhvillimin e turizmit në rajonin e Prizrenit.
Vëmendje e veçantë i është kushtuar edhe Prevallës dhe sfidave të vazhdueshme në menaxhimin e kësaj zone. Totaj ka thënë se Komuna e Prizrenit aktualisht nuk i ka kompetencat e nevojshme për të ndërhyrë dhe menaxhuar Prevallën, duke shprehur shpresën që këto kompetenca t’i rikthehen komunës në të ardhmen.
Sipas tij, kjo do të mundësonte një menaxhim më efikas dhe më të përgjegjshëm të zonës, në interes të qytetarëve, vizitorëve dhe mbrojtjes së mjedisit.
Klikoni KËTU për tu bërë pjesë e kanalit të TV Prizreni në Youtube.
