Komuna e Prizrenit ka bërë të ditur se kryetari Shaqir Totaj ka pritur sot drejtorin menaxhues të Fondit të Kosovës për Efiçiencë të Energjisë, Driton Hetemi dhe udhëheqësen e Njësisë së Sektorit Publik të FKKE-së, Njomza Maraj, me qëllim të gjetjes së një zgjidhjeje për magazinimin e përkohshëm të mbetjeve të asbestit në disa vende të caktuara, sipas rregulloreve të MESPI-së për projektet e FKEE-së në Komunën e Prizrenit.
“Do të mundohemi ta bëjmë një zgjidhje në lidhje me këtë çështje dhe së bashku me FKEE-në jemi të përkushtuar për ta siguruar mirëqenien e komunitetit përmes menaxhimit të duhur të mbetjeve dhe mbrojtjes së mjedisit” – u shpreh Kryetari Totaj, thuhet në fund të njoftimit të komunës./TVPrizreni/