Mëngjesin e së martës, kryetari i Prizrenit, Shaqir Totaj, ka zhvilluar një takim me shtabin emergjent të krijuar për gjendjen aktuale me zjarre të hapura në Prevallë.
Në njoftmin e komunës së Prizrenit, bëhet e ditur se gjatë takimit, kryetari u njoftua që situata është nën kontroll, nuk janë duke u djegur drunjtë e lartë, prandaj rrjedhimisht rreziku është më i vogël.
“Meqenëse kemi të bëjmë me Park Nacional, nënkuptohet se edhe institucionet e nivelit kombëtar, por edhe ndërkombëtar si KFOR-i, kanë obligime dhe shtabi është në koordinim të plotë me të gjithë akterët e autorizuar që po merren me këtë çështje, derisa gjendja po monitorohet dhe nuk pritet eskalim.”, thuhet në njoftim.
