Kryetari i Komunës së Prizrenit, Shaqir Totaj, ka shprehur pikëllimin e tij të thellë për ndarjen nga jeta të Prof. Dr. Zahadin Shemsedinit, ish-rektor i Universitetit të Prizrenit dhe ish-drejtor i Arsimit në Prizren.
Në mesazhin e tij të ngushëllimit, Totaj ka vlerësuar lart figurën dhe kontributin e Prof. Dr. Shemsedinit, duke e cilësuar atë si një personalitet të shquar të dijes dhe arsimit.
“Kontributi i tij ka qenë i çmuar në zhvillimin e arsimit, në përkushtimin profesional dhe në angazhimin e palodhshëm në shërbim të brezave të rinj dhe institucioneve arsimore”, ka theksuar kryetari Totaj.
Ai u ka shprehur ngushëllimet më të sinqerta familjes Shemsedini, miqve, kolegëve dhe gjithë komunitetit akademik, duke përfunduar me mesazhin: “Qoftë i përjetshëm kujtimi për të”.
Klikoni KËTU për tu bërë pjesë e kanalit të TV Prizreni në Youtube.
