Kryetari i Prizren, Shaqir Totaj, ka pritur një delegacion nga Zvicra, të udhëhequr nga Patricia Danzi, Drejtoreshë e Përgjithshme e SDC.
Pjesë e delegacionit ishin edhe ambasadori i Zvicrës në Kosovë, Jürg Sprecher, shefja e SDC-së në Kosovë, Beate Katja Elsässer, zyrtarja e lartë e programit, Saranda Cana, si dhe përfaqësuesit e projektit DEMOS, Ertan Munoglu dhe Shpend Emini.
Gjatë takimit, kryetari Totaj prezantoi potencialet e Prizrenit në aspektin historik, kulturor dhe ekonomik, ndërsa u diskutua edhe për ndërlidhjen mes zhvillimit ekonomik lokal, turizmit dhe përfshirjes së shoqërisë civile në proceset vendimmarrëse.
