Kryetari i komunës së Prizrenit, Shaqir Totaj, me ftesë të Ministrisë së Jashtme Federale mori pjesë në Programin një javor të Vizitorëve të Republikës Federale të Gjermanisë, ku, nga të gjitha shtete e Ballkanit, komuna e Prizrenit dhe ajo e Therandës përfaqësuan Kosovën me diskutime për forcimin e rolit të komunave.
Së bashku me kryetarin Totaj, viztorët, zhvilluan takime dhe vizita në lokacione specifike, duke shtjelluar strategjitë e nevojshme për t’i përmbushur detyrat brenda Bashkimit Evropian, që janë hap i rëndësishëm drejt integrimit evropian dhe bashkëpunimit të thellë ndërkombëtar për Prizrenin e Kosovën në tërësi.
