Në prag të fillimit të vitit të ri shkollor, Komuna e Prizrenit ka intensifikuar përgatitjet në institucionet arsimore, me qëllim që nxënësit dhe personeli arsimor ta nisin procesin mësimor në ambiente të rregulluara dhe të përshtatshme.
Kryetari i Komunës së Prizrenit, Shaqir Totaj, ka njoftuar se Drejtoria Komunale e Arsimit po i përmbyll përgatitjet në shkollat e komunës.
Në kuadër të këtyre angazhimeve, në SHFMU “Mustafa Bakiu” kanë përfunduar punimet e ngjyrosjes së hapësirave shkollore. Sipas njoftimit, këto ndërhyrje kanë përmirësuar pamjen e objektit shkollor, duke krijuar një ambient më të freskët dhe më të përshtatshëm për pritjen e nxënësve në vitin e ri shkollor.
Komuna e Prizrenit ka bërë të ditur se përgatitjet në institucionet arsimore po vazhdojnë, me synimin që viti i ri shkollor të nisë në kushte sa më të mira për nxënësit dhe mësimdhënësit.
Klikoni KËTU për tu bërë pjesë e kanalit të TV Prizreni në Youtube.
