Një person ka vdekur në Gjilan pas një përleshjeje me thikë që ka ndodhur sot.
Zëdhënësi i Policisë për Rajonin e Gjilanit, Ismet Hashani, konfirmoi për Front Online se tashmë kanë arrestuar një person të dyshuar.
“Sot me 24 qershor 2021 rreth orës 13:15 Policia e Kosovës në Gjilan është njoftuar për një rast ‘Therrje me thikë’. Njësitet relevante të policisë së Kosovës kanë dalë me urgjencë në vendin e ngjarjes. Në vendin e ngjarjes ka dalë edhe mjeku kujdestar ku vetëm ka mundë me e konstatu vdekjen e viktimës i moshës madhore. Policia e Kosovës e ka arrestuar një person i cili dyshohet të jetë i involvuar në këtë rast të rëndë”, tha ai.
Tutje, Hashani pohoi se për rastin është njoftuar prokurori i shtetit.
“Për momentin nuk dihen motivet dhe rrethanat që kanë quar në këtë rast të rëndë”, deklaroi ai
Hashani bëri të ditur se Hetimet rreth këtij rasti të rëndë jan duke i udhëheq Hetimet Rajonale nga Policia e Kosovës në koordinim me Prokurorin e Shtetit./Front Online
