Tërnava: Bota demokratike ta parandalojë Holokaustin e ri në Gaza

Kryetari i Bashkësisë Islame të Kosovës, Naim Tërnava ka reaguar pas sulmit ndaj spitalit në Gaza e ku humbën jetën qindra civilë.

Tërnava ka shkruar se BIK-u dënon ashpër këtë ngjarje të cilin e ka quajtur sulm kundër njerëzimit.

“Ftoj botën demokratike e qytetëruese, që të ndërmarrë hapa e të veprojë me shpejtësi në parandalimin e një kasaphaneje në Gaza, për të cilën do të jemi përgjegjës që të gjithë”, ka thënë Tërnava, njofton BIK-u.

Ai ka ftuar Izraelin dhe Palestinën që t’i kthehen dialogut.

“Duhet gjetur mundësitë e premisat për ndaljen e luftimeve, kthimin në dialog e marrëveshje, si dhe rrugën për jetë në paqe e qetësi për të dy popujt”, ka thënë Tërnava.