Kabina për dezinfektim e cila është vendosur ne oborr të Klinikes Infektive në QKUK, tash e sa ditë nuk është duke funksionuar.
Për mosfunksionimin e saj janë ankuar qytetarët që u bie cdo ditë të kalojnë në atë pjesë.
Familjarët e të infektuarve me COVID-19, prapa kamerës së Front Online thanë se tash e tre ditë ajo është jashtë funksionit.
“Qe një javë jam këtu me nënën, kabina për dezinfektim nuk është duke punuar qe tri ditë, nuk ka dezinfektues nuk e di pse qe tri ditë nuk ka ardhur askush me kontrollu”, tha qytetari i cili ka dashur të mbes anonim.
Ndërsa në videot e siguruara nga Front Online shihen mjekët dhe infermierët duke tentuar që të dezinfektohen.
E për mosfunksionimin e kësaj kabine për Front Online, ka folur edhe pronari i kompanisë “Truly Nolen”, Alban Gunga, kompani kjo e cila kabinën për dezinfektim e ka dhuruar donacion për Kliniken Infektive.
Ai tha se material ka, dhe se kompania çdo mëngjes e kontrollon, por problem sipas tij, mund te jenë senzorët të cilët herë pas herë mund të mos punojnë.
“Nuk është e vërtet se nuk ka pasur dezinfektues, në atë e kontrollojmë në baza ditore, kështu që mundeni me pa edhe vetë, nëse ka pasur problem me ndonjë senzorë sepse material ka pasur rezervuari është të shkallët, ne ju kemi thënë çfarëdo problemi që keni na lajmëroni, ne shkojmë çdo mëngjes e kontrollojmë ndodh që pas një orë ka ndonjë defekt, na këtë e kemi dhuruar si donacion dhe e mirëmbajmë qe dy vite”, tha ai për Front Online.