Tenisti prizrenas, Arbin Koro, pas dy fitoreve kualifikohet në çerekfinale të turneut të tenisit në Podgoricë

Gjatë kësaj jave, në Podgoricë të Malit të Zi është duke u mbajtur turneu i tenisit ” Rio Verde Open 2021″ në Podgoricë të Malit të Zi.

Pjesë e këtij turneu është edhe tenisti i talentuar prizrenas, Arbin Koro, i cili është kualifikuar për në çerekfinale pas fitoreve të arritur në dy xhirot e para ndaj rivalëve, Mikhail Silvestrov me rezultat 6-3 6-0 dhe Stefan Gjokoviq 5-7 7-6(0) 6-1, ka njoftuar faqja zyrtare e Federatës së Tenisit të Kosovës.

Ndryshe, kohë më parë, tenisti i ri prizrenas, Arbin Koro, ka treguar performancë të mirë edhe në një turne të këtillë për grupmoshat U-16 në Maqedoninë e Veriut.