Kryetari i Prizrenit, Shaqir Totaj, priti sot drejtorin ekzekutiv të Odës Ekonomike Gjermano-Kosovare, Besnik Vasolli, me të cilin njofton se diskutuan për aktivitetet e Odës dhe mundësitë për thellimin e bashkëpunimit me Komunën e Prizrenit.
Sipas njoftimit, në fokus të bisedës ishte edhe Forumi i 3-të Ekonomik Gjermano-Kosovar 2026, që do të mbahet më 28–29 tetor në Prishtinë, e që është mundësi e rëndësishme për promovimin e potencialeve ekonomike dhe krijimin e lidhjeve të reja ndërmjet bizneseve kosovare e gjermane.
