Prishtina Weather ka njoftuar se deri në fundjavë do të mbajë mot stabil në Kosovë, raporton Gazeta Blic.
Në njoftim thuhet se të hënen pritet të jetë mot më i ftohtë dhe me mundësi që të ketë edhe reshje bore.
Njoftimi i plotë:
Deri në fundjavë mot stabil, pa ndryshime. Orëve të mëngjesit ngrica dhe kushte për mjegull në ultësira. Të hënën më ftohtë, mundësi edhe për reshje shiu e bore.25.11.2020 – Vendi ynë në ditët e ardhshme mbetet nën “mburojën” anticiklonike që ndodhet mbi rajonin tonë, e që po kushtëzon mot të qëndrueshëm e kryesisht me kthjellime, mirëpo në vise të ulëta përgjatë mëngjesit priten mundësi për mjegull dhe ngrica.
Në fundjavë parashihet afrimi i një cikloni nga Atlantiku përgjatë Italisë, që sjell shtim të vransirave, e më pas nga dita e hënë kalimi i një fronti të ftohtë sjell kushte për reshje shiu, e me ulje të temperaturave reshjet e shiut të përzien edhe me borë.Indeksi i cilësisë së ajrit ditëve të ardhshme do të mbes në vlera të dobëta dhe shumë të dobëta, shkaku edhe i motit të qëndrueshëm. Vende-vende mund të zbres në vlera mesatare gjatë ditës, e në mbrëmje të kaloj edhe në vlera jashtëzakonisht të dobëta.
26.11 – Kryesisht kthjellët dhe me diell. Në mëngjes ftohtë dhe me ngricë, përgjatë ultësirave mjegull ose vransira të ulëta.
27.11 – Kryesisht kthjellët dhe me diell gjatë ditës. Në mëngjes ngrica dhe ftohtë, viseve të ulëta me mundësi për mjegull.
28.11 – Në mëngjes ftohtë, me ngrica, përgjatë ultësirave mundësi për mjegull. Në pjesët tjera kryesisht kthjellët dhe me diell. Pasdite vransirat do të shtohen.
29.11 – Kryesisht me vransira dhe intervale me diell. Në mëngjes përgjatë ultësirave mundësi për mjegull.
30.11 – Më ftohtë, kryesisht me vransira, pasdite me mundësi për reshje të dobëta shiu. Vonë në mbrëmje reshjet e shiut do të përzien edhe me borë.Temperaturat minimale mbesin të ulëta, nga -3C deri -1C, e maksimalet gjatë ditës do të luhaten mbi vlera mesatare nga 7C deri 10C, e nga dita e diel zbresin në 7C, e të hënën në 3C.
Do të fryj erë e lehtë, kryesisht nga krahu jugor 1-3m/s.
Shtypja atmosferike mbetet e lartë mbi vlera normale, në fundjavë me tendencë të rënie, mirëpo vazhdon të mbetet mbi vlera të normales.