Bashkësia Islame e Kosovës përmes një njoftimi ka bërë të ditur se agjërimi i muajit të shenjtë të Ramazanit, fillon të enjten më 23 mars 2023.

BIK ka përgëzuar besimtarët në Kosovë, diasporë dhe në trojet shqiptare duke u dëshiruar agjërim të lehtë.

“Kryesia e Bashkësisë Islame të Kosovës njofton besimtarët dhe gjithë opinionin e gjerë se muaji i bekuar Ramazan fillon ditën e enjte, më 23 mars 2023.

Me rastin e fillimit të muajit Ramazan, Kryesia e BI-së, përgëzon besimtarët në Kosovë, diasporë e trojet tona, duke u dëshiruar agjërim të lehtë, shtim të ibadetve dhe solidaritet me njëri-tjetrin”, thuhet në urimin e BIK-ut.

BIK më tej ka shtuar “Me fat muaji i bekuar Ramazan! Agjërim të lehtë dhe të pranuar!”.