Sekretari i degës së OVL të UÇK-së, Isa Berisha, përmes një postimi në Facebook, njofton se ditën e diel do të shënohet me aktivitete të ndryshme 15 shtatori, dita e dëshmorëve të UÇK-së të komunës së Prizrenit, përfshirë edhe inaugurimin e bustit të heroit të Kosovës, Xhevat Berisha, në shkollën që bart emrin e tij në lagjen “Tusuz”.
“Për nderë të ditës së dëshmorëve të UÇK-së në Prizren, nën patronatin e kryetarit të komunës z.Shaqir Totaj me 15.09.2024 organizohen këto aktivitete:
Në ora 10:00 homazhe në varrezat e dëshmorëve të UÇK-së në Landovicë. Për të vazhduar me vendosjen e buqetave të luleve pranë shtatoreve të heronjve të UÇK-së të vendosur në qytetin tonë: Ismajl Kryeziu, Bashkim Suka, Selajdin Berisha, Pal Paluca, Agim Shala, Xhevat Berisha, Ismet Jashari, Remzi Ademaj.
Në ora 12:00 inagurohet busti i heroit, Xhevat Berisha, në shkollen fillore që mbanë emrin e tij në lagjen Tusuz të Prizrenit.”, ka shkruar sekretari Berisha./TVPrizreni/
