Kryetari i Lidhjes Demokratike të Kosovës, Lumir Abdixhiku pas vendimit të ZRrE-së për shtrenjtim të rrymës në një konferencë për media ka thënë se do të nisin mbledhjen e nënshkrimeve për thirrjen e seancës së jashtëzakonshme për të kundërshtuar këtë vendim.
“Kemi nisur mbledhjen e nënshkrimeve për të dalë me seancë të jashtëzakonshme për këtë vendim, do të kërkojmë edhe shkarkimin e bordit të ZRrE-së”, ka thënë Abdixhiku, raporton FrontOnline
Sipas tij, qeveria Kurti ka refuzuar ta trajtojë barabartë secilën familje në Kosovë.
“Qeveria dhe ZRrE-ja bëjnë diskriminim ndaj qytetarëve të Kosovës. Nga kjo krizë qeveria do të mbledh më shumë tatitme. Reagimi i vonshëm, refuzimi i tanishëm po prodhojnë krizën më të rëndë energjetike në historinë e Kosovës”, ka deklaruar Abdixhiku.
Abdixhiku, është shprehur se kryeministri Kurti nuk mund të jep zgjidhje për këtë çështje sepse mendon se rryma është me çmim të lirë.
“Zgjidhje të mirë nuk mund të jep një kryeministër i cili mendon se rryma është me çmim të lirë. Kryeministri Kurti është shndërruar në një kontabilist buxheti që i ka braktisur qytetarët”, ka thënë ai./FrontOnline