Një tjetër talent i futbollit nga Dragashi ka arritur suksese në futbollin europian. Ermal Bojaxhiu me prejardhje nga fshati Plavë, ka nënshkruar kontratë profesionale me klubin gjerman të futbollit FC Augsburg.
Si çdo familje opojane, edhe familja Bojaxhiu nga Plava e Opojës kishte në mërgim njërin nga anëtarët e saj. Që nga viti 1973 jetonte në mërgim gjyshi i Ermalit, e në vitin 1992 migruan drejt Gjermanisë edhe babai i Eramalit, Besar Bojaxhiu së bashku me vëllëzërit.
Ermal Bojaxhiu u lind në Gjermani me 18.02.2006, dhe që nga fëmijeria është vërejtur pasioni i madh i tij për futbollin. Në moshën pesë vjeçare, ai filloi stervitjet në klubin e futbollit “DJK Pasing” në Mynih, një eksperiencë e mrekullueshme gjashtë vjeçare në këtë klub që ndikoi në formimin e Ermalit si lojtar profesional.
Nga mosha 11 vjeçare Ermali u tranferua në klubin “FC Ëaldeck” në ligën Bezirksliga dhe luajti me këtë skuadër për dy vite . Aftësitë e tij ranë shumë shpejt në sytë e scout-ve të skuadrës me nam bavareze “1860 München”, me të cilën skuadër nënshkroi kontratë duke u angazhuar në grupmoshën U14, ndërsa vetëm pasi kishin kaluar gjashtë muaj, Ermali zgjidhet kapiten i skuadrës.
Shiritin e kapitenit Ermali nuk do ta mbajë shumë gjatë në këtë skuadër, pasi që vetëm pak javë më parë, ai u kontaktua nga klubi i elitës “FC Augsburg”, klub i cili luan në Bundesligën gjermane.
Televizioni Opoja ka siguruar edhe kontratën e lojtarit me klubin, sipas të cilës Ermali do i bashkohet grupmoshave U14 në sezonin e parë, ndersa më vonë kalon në grupmoshat U17. Në bazë të kontratës, Ermali është pjesë e këtij klubi për pesë vjet (3+2).
Sot me nënshkrim e kontratës, njëherit u dakorduan me klubin paraprak që Ermali të filloj stërvitjet me klubin e ri menjëherë, edhe pse kontrata e tij me kubin paraprak skadonte në fund të vitit.
Në bazë të aftësive si dhe pasionit të madhë që e ka Ermali për futbollin, brenda pak viteve do e shohim një opojan i cili na përfaqëson denjësishtë në arenën nderkombëtare, duke qenë në fokus të klubeve më të mëdha të Bundesligës si dhe ligave tjera të mëdha evropiane.
Për fund, redaksia e Televizionit Opoja, ka ngacmuar pak Ermalin duke e pyetur nëse në të ardhmen do pranonte një ofertë nga Përfaqësueset si ajo e Kosovës por edhe ajo ” Die mannschaft” cilën do e zgjidhte?
Ermali por edhe prindërit e tij , theksuan se është ënderr që ta shohin Ermalin duke përfaqësuar shtetin e Kosovës në cilën do prej grupmoshave e në të ardhmen edhe Përfaqësuesen A pse jo.
