Tahiri kritikon Qeverinë: Ia humbën popullit shpresën, po presin në radhë të ikin

Shefi i Grupit parlamentar të AAK-së Besnik Tahiri, ka kritikuar Qeverinë për çështjen e mos sigurimit të librave shkollor, që sipas tij, kjo është demotivim total i mësimdhënësve, prindërve e fëmijëve.

Po ashtu, ai tha se kjo “Qeveri asgjë nuk është duke bërë siç duhet”.

“Një fillim kaotik i vitit të ri shkollor. Demotivim total i mësimdhënësve, prindërve e fëmijëve. Kjo Qeveri i qaset një problemi a sfide duke i gjeneruar dhjetë të tjera. E pakoordinuar nga brenda, e ç’akorduar me të tjerë, as nuk adminstron, as nuk menaxhon, as nuk qeverisë, krejt çfarë bën është një vendimmarrje, rezultatet e së cilës nuk është në gjendje t’i projektoj e as t’i njoh”, ka shkruar Tahiri në Facebook.

Tutje ai tha se është dobësuar organizimi shtetëror, çdo hallkë institucionale ka ra si dhe njerëzit po presin në radhë për të ikur nga Kosova.

“Është dobësuar organizimi shtetëror, çdo hallkë institucionale ka ra, gjithçka është formë e shumë pak përmbajtje. Njerëzit në radhë për të ikur nga vendi, jo fort për vete, sepse as shpresë tashmë nuk kanë, por për t’i dhënë mundësi fëmijëve të tyre të ëndërrojnë e shpresojnë”, përfundoi ai.

Tahiri kritikon Qeverinë: Ia humbën popullit shpresën, po presin në radhë të ikin

Të tjera nga rubrika

Publikohet formacioni i Kosovës për ndeshjen ndaj Irlandës

Tre vjet nga rënia e Afrim Bunjakut, 11 policë nderohen me Medalje për Shpëtim Jete

Shqipëria në trevjetorin e Banjskës: Nuk mund të ketë paqe të qëndrueshme pa llogaridhënie

Komisioni për Komunitete viziton shkollat e Prizrenit për të vlerësuar nevojat e nxënësve