Kombëtarja e Shqipërisë në futboll është bërë me seleksionues të ri. Braziliani Sylvio Mendes Campos Junior, i njohur si Sylvinho, ka marrë drejtimin e përfaqësueses.
Ai e ka zëvendësuar në postin e seleksionuesit italianin Edoardo Reja. Reja kishte qëndruar për tri vjet e gjysmë.
Federata Shqiptare e Futbollit në faqen e saj zyrtare ka njoftuar për marrëveshjen e arritur me Sylvinhon. Braziliani ka firmosur kontratë për 18 muaj. Do ta drejtojë Shqipërinë në eliminatoret për Euro 2024.
